ನನ್ನಾಸೆಯ ಕನಸುಗಳು

ನಿನ್ನ ಬಿಗಿಯಾಗಿ ಅಪ್ಪಿಕೊಂಡಿರಲು
ಕಿವಿಯಲಿ ಏನೋ ಹೇಳುವ ಆಸೆ

ನೀ ನನ್ನ ಮಡಿಲಲಿ ಮಲಗಿರಲು
ನಿನ್ನ ಹಣೆಗೆ ಮುತ್ತಿಡುವ ಆಸೆ

ನೀ ನನ್ನ ಕರೆದೊಯ್ಯಲು
ನಿನ್ನ ಕೈ ಹಿಡಿದೇ ನಡೆಯುವ ಆಸೆ

ನಿನ್ನ ಕಪ್ಪು ಕಣ್ಣುಗಳಲಿ
ಪ್ರೀತಿಯ ಬೆಳಕು ನೋಡುವ ಆಸೆ

ನಿನ್ನ ವಿಸ್ಮಯ ಲೋಕದಲಿ
ಜೊತೆಗೂಡಿ ಬಾಳುವ ಆಸೆ

ನನ್ನಾಸೆಯ ನುಡಿಯನು ಬದಿಗಿಟ್ಟು ಕೇಳುವೆನು
ಹೇಳು ಗೆಳೆಯ ನಿನ್ನಾಸೆಯ ಸಾಲುಗಳನು

ದೇವರೇ ಬೆರಗಾಗಿ ನಿಂತು ನೋಡುವನು
ನಮ್ಮಿಬ್ಬರ ಸಂತೋಷದ ಕ್ಷಣಗಳನು
ಎಲ್ಲ ಕಷ್ಟಗಳಿಗೂ ನಾಂದಿ ಹಾಡುವನು
ಉಳಿಸಲು ನಮ್ಮ ನಗುವನು
ಉಳಿಸಲು ನಮ್ಮ ನಗುವನು