ಎಳೆ ಬಿಸಿಲ ಕಿರಣಕೆ
ಇಬ್ಬನಿ ಹೊಳೆವ ಮುತ್ತಂತೆ
ಮಳೆ ಹನಿಯ ಸ್ಪರ್ಶಕೆ
ಘಮ ಘಮಿಸುವ ಮಣ್ಣಂತೆ
ಅಲೆ ಅಪ್ಪಿದ ನಾದಕೆ
ಕಡಲೇ ಹಾಡಿ ಕುಣಿದಂತೆ
ಹಕ್ಕಿಯ ಚಿಲಿಪಿಲಿ ಕಲರವಕೆ
ಮುಂಜಾವು ನಾಚಿ ನಿಂತಂತೆ
ಆ ಬಾನ ಕೆಂಪು ಕಾಣಿಕೆ
ರವಿಗೆ ತಾಯ ಮಡಿಲಿನಂತೆ
ಮನವೆಂಬ ಹೂತೋಟಕೆ
ನಿನ್ನ ನಗುವೇ ಮೊಗ್ಗಂತೆ
ಮನಸು ಸಾರಿ ಸಾರಿ ಹೇಳುತಿದೆ
ನೀನೆಂದಿಗೂ ನನಗಂತೆ
ಕನಸು ಬಾರಿ ಬಾರಿ ಬೀಳುತಿದೆ
ನೀನೆ ನನ್ನ ಬಾಳಂತೆ
ನೀನೆ ನನ್ನ ಬದುಕಂತೆ
ನಾನೆಂದಿಗೂ ನಿನ್ನವಳಾದಂತೆ
ಯಾರು ಗೆಳೆಯ ನೀನಾರು.??....
ಹೇಳು ಗೆಳೆಯ ನೀನಾರು .??....
